Të nevrikosur nga humbja e mesjavës ndaj Burnleyt dhe pas pjesës së parë të barabartë, djajtë e kuq shpërthyen në pjesën e dytë duke shënuar tre gola brenda tetë minutave, dy të shpejtë nga Wayne Rooney (56’ dhe 58’) dhe një tjetër nga Dimitar Berbatov (65’).
Zëvendësuesi Michael Owen tregoi një paraqitje të shkëlqyeshme, duke shënuar golin e parë të tij në Premier League për klubin me anë të përfundimi të kujdesshëm, pesë minuta para fundit të kohës së rregullt, ndërsa Nani e shndërroi në gol një gjuajtje të lirë në kohën shtesë të ndeshjes.
United ka dy fitore nga tre ndeshje në Premier League, derisa Wigan pësoi humbjen e dytë radhazi, pas fitores së vetme të shënuar në javën e parë.