Manchester United ka fituar 2-1 me përmbysje të rezultatit ndaj Brentfordit, xhiro kjo e vlefshme për javën e tetë në elitën e futbollit anglez.
Mysafirët kaluan në avantazh në minutën e 26-të të takimit pas golit të shënuar nga Mathias Jensen i cili u asistua nga Yoanne Wissa.
“Djajtë e Kuq” hasën në rezistencë të fortë nga mbrojtja kundërshtarë dhe nuk arritën të krijojnë ndonjë rast të mirë shënimi në pjesën e parë.
Rikthimi i madh i Manchester United erdhi në minutat e fundit të ndeshjes ku protagonist kryesor ishte McTominay me dy gola të shënuar.
SCOTT MCTOMINAY WINS IT FOR MAN UNITED IN STOPPAGE TIME! COMEBACK COMPLETE! 😱 pic.twitter.com/PfqdrEQIgu
— ESPN FC (@ESPNFC) October 7, 2023
Skocezi fillimisht shënoi në minutën e 93-të për të barazuar shifrat në 1-1 dhe më pas katër minuta më vonë më saktësisht në minutën e 97-të për të kompletuar rikthimin e rezultatit.
Pas kësaj fitoreje, Manchester United ngjitet në pozitën e nëntë në Ligën Premier me 12 pikë të grumbulluara, teksa këto tri pikë ishin të mirëseardhura pas dy ndeshjesh pa fitore.
Ndeshjen e radhës në ligë Manchester United e luan në udhëtim ndaj Sheffield United./Telegrafi/