Qeveria do të vendosë mekanizma të fuqishëm mbrojtës që të parandalohet përgjimi joligjor, tha ministri për shoqëri informatike dhe administratë, Damjan Mançevski sot gjatë promovimit të hulumtimit “Drejt panoptikonit qytetar-Barazi më e mirë ndërmjet mbrojtjes së privatësisë dhe nevojës për ndjekje të komunikimeve”, përcjell Telegrafi Maqedoni.
Siç njoftojnë nga MSHIA, Mançevski foli rreth problemit të përgjimit masiv, të kryer nga pushteti paraprak dhe për përkushtimin e Qeverisë së re, asnjëherë më të mos përsëritet cenimi i privatësisë së qytetarëve të Republikës së Maqedonisë.
“Qeveria është e vetëdijshme për rëndësinë e klasifikimit përkatës të çështjeve të ndërlidhura me ndjekjen e komunikimeve. Edhe pse, nuk ka më kush të jetë, pasi që ne ishim caku kryesor i përgjimeve. Dhe për këtë shkak, paraqet kënaqësi të veçantë që edhe organizatat qytetare japin mund të rëndësishëm nv tejkalimin e sfidave në lidhje me ndjekjen ekomunikimeve”, tha ministri Mançevski.
Mançevski poashtu tha se vendosja e mekanizmave mbrojtës që do të parandalojnë përgjimet joligjore do të kryhet si një prioritet urgjent në planet e Qeverisë./Telegrafi/