Më në fund kemi digjitalizuar sektorin publik, është thelbësore të arrihet zhvillimi digjital, tha Ministri për Shoqëri Informatike dhe Administratë, Damjan Mançevski në panel diskutimin “Agjenda Inovative 20-24”.
“Në këtë drejtim, kemi kaluar 2 vjet, por kemi arritur të azhurnojmë sistemet e vjetruara dhe kemi prezantuar një sistem për ofrimin efektiv të shërbimeve në mënyrë elektronike. Portali e-shërbimeve elektronike është pjesë e procesit me të cilin ua lehtësojmë qytetarëve dhe përmirësojmë shërbimet dhe efikasitetin”, tha Mançevski.
Ai theksoi se deri më tani janë prezantuar mbi 120 shërbime të reja, ndërsa deri në fund të vitit 2020 duhet të ofrohen rreth 300 shërbime për qytetarët.
“Ne, si shtet, na duhet një kërcim kuantik, në mënyrë që të jemi në gjendje të arrijmë zhvillimin e vendeve të tjera në botë”, tha Mançevski, i cili theksoi se problemi kryesor janë njerëzit që, sipas tij, duhet të dinë si të operojnë dhe përdorin sistemet e reja./Telegrafi/