Ministri aktual për Shoqëri Informatike dhe Administratë Publike si dhe nënkryetari i LSDM-së, Damijan Mançevski beson që sot ose nesër do parashtrohet propozimi për qeverinë dhe se shpejtë do të votohet qeveria e re, kështu që sipas tij më së voni deri javën tjetër do të ketë pushtet ekzekutiv me funksion të plotë
Sa i përket zgjedhjes së komisioneve dhe trupave kuvendore, Mançevski tha se pret që në seancën e ardhshme parlamentare të përfundojë i gjithë procesi.
“Mund të themi se në shtator do të kemi sistem të plotë dhe funksional, edhe nga pushteti ekzekutiv edhe nga ai ligjvënës, dhe do të ballafaqohemi me sfidën e punës online, vendimmarrjes online, digjitalizimit dhe procese të ngjashme”, tha mes tjerash Mançevski