Erik ten Hag e ka bërë Noussair Mazraouin e Bayern Munichut objektivin e tyre kryesor të verës, pasi holandezi beson që ai mund të ndihmojë në rikthimin e formës së Antonyt.
Mazraoui është njëri prej opsioneve që po konsiderohet për krahun e djathtë të mbrojtjes, pasi Ten Hag e ka stërvitur 26-vjeçarin gjatë kohës sa kishin punuar së bashku tek Ajaxi.
Ai e mbështeti Antonyn në krahun e djathtë gjatë sezoneve 2020/2021 dhe 2021/2022 aty ku fituan titullin e ligës dhe shkëlqyen si dyshe.
Reprezentuesi maroken iu bashkua Bayernit në maj të 2022-ës ndërsa Antony u transferua tek Unitedi në gusht të atij viti për 82 milionë euro, duke u ribashkuar me Ten Hag, por duke dështuar që të dëshmojë veten.
Në mënyrë që transferimi të realizohet, Wan-Bissaka, i cili ka edhe një vit të mbetur në kontratën e tij, duhet të largohet fillimisht.
Mbrojtësi i cili u transferua nga Crystal Palace për 45 milionë euro në 2019, kushton rreth 15 milionë euro ndërsa së fundmi u diskutua edhe mundësia e shkëmbimit të tij me Denzel Dumfries të Interit.
Lajmin për transferimin e mundshëm të Mazraouit tek Manchester Unitedi e bëri të ditur gazetari Florian Plettenberg.
Ai raportoi se marrëveshja për transferimin e tij tek West Hami ka dështuar dhe tani Unitedi po shtyn fortë që të sigurojë shërbimet e tij./Telegrafi/
🚨⚒️ EXCL | Noussair #Mazraoui deal with West Ham is OFF!
No agreement on agent‘s side has been reached. Despite the agreement between the clubs (15,5 + 4) and on player‘s side West Ham now have left the negotiations ✔️
⚠️ Manchester United now pushing to sign Mazraoui.… pic.twitter.com/vGGFBclRJr
— Florian Plettenberg (@Plettigoal) July 26, 2024