Manchester United ka fituar derbin përballë Liverpoolit me rezultat të ngushtë 2-1.
Djajtë e Kuq kësisoj kanë ‘blinduar’ pozitën e dytë duke u distancuar në pesë pikë nga Liverpooli.
Marcus Rashofrd shënoi dy golat për vendasit, ndërsa mbrojtësi Eric Bailly shënoi në portën e tij golin e vetëm të Liverpoolit.
Falë dy golave të shënuar në këtë derbi, sulmuesi anglez Marcus Rashford mori edhe notën më të lartë 8,7.
Paraqitje të mirë te vendasit patën edhe mbrojtësit Chris Smalling dhe Ashley Young.
Te Liverpoolit lojtari me notën më të lartë ishte sulmuesi brazilian Roberto Firmino.
Ndërkohë nota më e dobët shkoi për portierin e mysafirëve Karius 5.7. /Telegrafi/
