Manchester United ka pësuar humbje para tifozëve të vet nga Wolverhampton Wanderers 0-1.
‘Ujqërit’ kanë arritur të triumfojnë në Old Traford falë një goli fantastik nga mesfushori portugez Joao Moutinho.
Pjesa e parë u mbyll pa gola 0-0, derisa në minutën e 82-të Moutinho me një gol të bukur vendosi fatin e ndeshjes.
Pikërisht mesfushori portugez ishte lojtari me notën më të lartë në ndeshje (8,1), derisa paraqitje të mirë patën edhe Nelson Semedo e Francisco Trincao.
Phil Jones kishte notën më të lartë te Djajtë e Kuq, derisa David De Gea gjithashtu mori notë të mirë. Por lojtari me notën më të ulët ishte Jadon Sancho.
Pas kësaj humbje, United mbetet në vendin e shtatë në tabelë me 31 pikë, derisa Wolves ndodhet një pozitë më poshtë me tri pikë më pak.
Ndeshjen e ardhshme Manchester United e luan në udhëtim te Aston Villa, derisa Wolves pret Southamptonin. /Telegrafi/