Manchester United pritet që së shpejti të hap bisedimet me Benfican për transferimin e mesfushorit Joao Neves gjatë verës.
19-vjeçari u bë pjesë e ekipit të parë të Benficas në 2023 pas kalimit të Enzo Fernandez tek Chelsea për një shifër rekord prej 106 milionë eurosh, duke plotësuar boshllëkun e lënë nga fituesi i Kupës së Botës.
Neves ka habitur të gjithë me performancat e tij të mira, duke u shndërruar në njërin nga lojtarët kyç të ekipit nën urdhrat e Roger Schmidt.
Këto performanca të mira me Benfican i kanë mundësuar atij ftesën tek Portugalia, ku deri më tani numëron tri paraqitje për shtetin e tij.
United në anën tjetër e admirojnë Nevesin dhe e konsiderojnë si një “prioritet kryesor”, pas blerjes së 25 për qind të aksioneve nga Sir Jim Ratcliffe.
The Mirror raporton se United do të fillojë së shpejti kontaktet e para për një marrëveshje gjatë verës.
Jo shumë kohë më parë, këto dy klube u përfshinë në bisedime kur Benfica siguroi transferimin e mbrojtësit Alvaro Fernandez në formë huazimi nga Manchester United.
Fjalë të mira për Neves ka thënë edhe kapiten i Manchester United, njëherësh edhe bashkëkombasi i tij, Bruno Fernandes, i cili e ka konsideruar 19-vjeçarin si një ndër talentët më të mirë në botë./Telegrafi/