Manchester United thuhet se kanë shprehur interesim për transferimin e tre lojtarëve të Bayern Munichut.
United kompletoi disa marrëveshje me gjigantin gjerman gjatë kësaj vere duke transferuar dyshen Noussair Mazraoui dhe Matthijs De Ligt.
Sidoqoftë, këto transferime nuk kanë mjaftuar që ‘Djajtë e Kuq’ të gjejnë formën pasi ata momentalisht gjenden në pozitën e 14-të në Ligën Premier dhe kanë pesë ndeshje pa fitore.
Përkundër faktit që shpenzuan pothuajse 180 milionë euro në afatin e fundit kalimtar, United mund të shikojë ta përforcojë ekipin edhe më shumë në verën e vitit të ardhshëm.
Është e qartë se ata kanë nevojë për më shumë kreativitet dhe qartësi në fazën e sulmit për të arritur sukses këtë sezon.
Raportimet nga Sky Germany sugjerojnë se United po monitoron tre lojtarë të Bayernit pasi thuhet se ata janë të interesuar për Leon Goretzkan, Leroy Sane dhe Alphonso Davies.
Artikulli shpjegon se si gjiganti anglez do të preferonte të nënshkruante me Davies si lojtar i lirë pas përfundimit të kontratës së tij në fund të sezonit, por këtë synon ta bëjë edhe Real Madridi.
Sa për Sanen, ish-ylli i Man Cityt ka humbur minutat e tij nën urdhrat e Vincent Kompanys me këtë të fundit që po preferon të luajë më shumë me Serge Gnabryn.
28-vjeçari ishte pjesë e ekipit të Gjermanisë për Euro 2024 dhe ishte raportuar se ai do të hap bisedimet me bavarezët për rinovimin e kontratës pas përfundimit të kësaj gare./Telegrafi/