Florian Wirtz vazhdon të jetë një nga futbollistët më të kërkuar nga top klubet evropiane.
Kampioni në fuqi i Anglisë, Manchester City e ka bërë prioritet transferimin e Wirtz, por ai kërkohet edhe nga Real Madrid, PSG e Bayern Munich.
Citizens janë të vetëdijshëm se çmimi i Wirtz prej 150 milionë është i lartë dhe janë të gatshëm të ofrojnë dy futbollistë për ta ulur çmimin e tij.
Pep Guardiola e do me çdo kusht transferimin e gjermanit dhe për këtë është i gatshëm të ofrojë futbollistët e talentuar si Oscar Bobb dhe James McAtee për të ulur kërkesat e Leverkusenit.
Me dy lojtarët e rinj, Leverkusen do të mund të ishte i kënaqur, por gjithashtu ata do të synonin edhe një shumë të konsiderueshme të parave.
Wirtz po vazhdon me formën e shkëlqyer, ku këtë edicion në 23 ndeshje ka shënuar 10 gola dhe ka asistuar në pesë të tjerë. /Telegrafi/