Malisheva dhe Prishtina do të luajnë sot (e shtunë) me fillim nga ora 13:00, duel ky që është i vlefshëm për javën e nëntë të Albi Mall Superligës së Kosovës.
Vendasit hyjnë në këtë takim pas fitores me rezultat 3-1 ndaj Suharekës në udhëtim, teksa mysafirët pas triumfit me rezultat 2-0 ndaj Feronikelit ’74 në Drenas.
Për Malishevën tri pikët janë jetike pasi vetëm kështu mund ta ruajnë pozitën si lider në tabelë, teksa Prishtina me një fitore eventuale do të rrëmbente përkohësisht pozitën e tretë.
Të dy trajnerët kanë vendosur që të futen në fushë me lojtarët më të mirë që kanë në dispozicion.
Formacionet zyrtare:
Malisheva: Abdullahu, Veliu, Xhaka, Prekazi, Pira, Limaj, Ndjigi II, Brruti, Hazrollaj, Xhylani, Bunjaku.
Prishtina: Nika, Vitija, Islami, Salihu, Llugiqi, Krasniqi, Gallapeni, Ajdini, Bytyqi, Raçi, Akinbule.
/Telegrafi/