Ai tha se Qeveria e Kosovës duhet të reformohet me qëllim që të sigurohet se donacionet e bashkësisë ndërkombëtare do të përdoren sa më mirë të jetë e mundur.
Malik e cilësoi Kosovën si vendin më të varfër në Evropë por theksoi se bashkësia ndërkombëtare dhe në veçanti Qeveria e Britanisë së Madhe do ta ndihmojnë zhvillimin e saj.
Sipas tij, një qeverisje e mirë dhe transparente si dhe luftimi i korrupsionit janë elemente kyçe për zhvillimin e Kosovës, përfshirë edhe stabilitetin dhe rendin dhe ligjin.
Ministri britanik tha se Kosovës i duhen më shumë njohje ndërkombëtare. Malik është zyrtari më i lartë britanik që ka vizituar Kosovën që nga shpallja e pavarësisë së saj. /bbc/