Një aksident i rëndë ka ndodhur pasditen e sotme në Rrugën e Elbasanit në Tiranë.
Një automjet me drejtues shtetasin me inicialet F.F ka devijuar nga rruga dhe për pasojë është përplasur me një shtyllë.
Përplasja ka qenë e fuqishme dhe si rrjedhojë kanë mbetur të plagosur drejtuesi i mjetit me inicialet F.F. si dhe tre pasagjerët D.F, R.F dhe , A.F.
Ngjarja ndodhi pak minuta më parë pranë ambasadës turke në Rrugën e Elbasanit në kryeqytet, raporton Shekulli.
Siç shihet nga këto pamje të siguruara nga “Shekulli” makina është shkatërruar në pjesën e përparme.
Të katër të plagosurit janë nisur menjëherë drejt spitalit për të marrë ndihmën mjekësore. Nuk dihet gjendja e tyre shëndetësore.
Policia ka mbërritur në vendngjarje dhe po heton për zbardhjen e rrethanave të aksidentit.
