Nëpërmjet një fuçie që mund të zë deri 250 litra, katër majmunë arritën të largohen prej një laboratori të hulumtimeve që ndodhet në Teksas të Shteteve të Bashkuara.
Pasi e rrotulluan fuçinë e zbrazët, arritën ta nivelojnë me perimetrin e murit, duke e shfrytëzuar si një ‘mjet të dobishëm’ që të kapërcejnë ndalesën, transmeton Telegrafi.
Derisa tre prej tyre ikën, i katërti duket se pati një mendim të dytë, sepse u kthye sërish brenda. Ata e shijuan për afro gjysmë ore jetën në liri, para se të kapen dhe nga mirëmbajtësit, për tu kthyer sërish brenda.
Këta majmunë janë në mesin e 1,100 të tjerëve që jetojnë në Institutin e Hulumtimeve Biomedicinale të Teksasit, të cilët shfrytëzohen për kërkime të infeksioneve kronike dhe sëmundjeve si Ebola, malaria dhe HIV.
Të gjithë nën qiell të hapur dhe ambient të gjelbëruar, ndërsa e kanë murin rrethues që nuk mund ta kalojnë edhe nëse hidhen me tërë forcë. Por, muret nuk ishin pengesë për këta majmunë të mençur.
Mirëmbajtësit, i panë gjurmët e rrotullimit dhe pozicionimin e fuçisë, duke lënë të kuptohet se gjithçka ishte organizuar prej kafshëve të zgjuara. /Telegrafi/