Xhudistja ka arritur të fitojë edhe një medalje të artë, por kësaj radhe në turneun “Grand Prix”, që u mbajt të shtunën në Duesseldorf të Gjermanisë.
Sportistja nga Peja u llogarit në mesin e favoriteve në kategorinë deri në 52 kg dhe ia arriti të triumfojë mbi të gjitha garueset tjera.
Ajo në finale e mposhti xhudistën nga Rumania, Andrea Chittun, që llogaritet prej xhudisteve më të mira në Evropë.
Majlinda me këtë arritje edhe një herë dëshmoi se sa vlen për sportin e Kosovës dhe se definitivisht meriton më shumë përkrahje nga institucionet shtetërore. /Telegrafi/