Mike Maignan ka pasur një sezon me lëndime të muskujve të këmbës, mirëpo tashmë i ka gëzuar tifozët e Milanit duke u kthyer në stërvitje.
Portieri francez u lëndua fillimisht me Francën në muajin shtator gjatë ndeshjes në Ligën e Kombeve kundër Austrisë.
Ai mungoi në disa ndeshje dhe u kthye në stërvitje, mirëpo nuk ishte në gjendje ta vazhdonte rikuperimin, sepse gjendja iu përkeqësua duke e detyruar të qëndronte jashtë fushës për një periudhë më të gjatë.
Nothing's been done yet, we keep pushing 👊#MilanAtalanta #SempreMilan
Brought to you by @play_eFootball pic.twitter.com/ezfMGWwrs0— AC Milan (@acmilan) February 21, 2023
Por, gardiani është kthyer dhe siç transmeton Gianluca Di Marzio, Maignan e ka kompletuar gjithë seancën stërvitore sot (e martë) në Milanello duke dhënë shpresa se mund të jetë në dispozicion për sfidën ndaj Atalantas.
Gjendja e 27-vjeçarit do të monitorohet ditë pas dite, pasi klubi nuk dëshiron që ai të ketë një rikthim të problemit. /Telegrafi/