Komisioni i Letrave me Vlerë dhe Shkëmbimeve në SHBA njofton se dy krerë ekzekutiv të Magyar Telekom janë pajtuar që të paguajnë gjobë financiare për shkeljet e Aktit Ndërkombëtar të Praktikave Korruptive dhe ka pranuar një ujdi për të zgjidhur këtë çështje, përcjell Telegrafi Maqedoni.
Magyar Telekom ka paguar një gjobë prej 95 milionë $ në dhjetor të vitit 2011 për të zgjidhur çështje paralele civile dhe kriminale që kompania korruptoi zyrtarë në Maqedoni dhe Malin e Zi për të fituar kontratë dhe shkeli konkurencën në industrinë e telekomunikacionit.
Gjithashtu, Komisioni i lartëpërmendur ka gjobitur edhe Elek Straub, ish-shef ekzekutivi, si edhe Andras Balogh, ish-shef strategjishë, me gjoba prej 250 mijë $ dhe 150 mijë $ për pagesa korruptive për përfitim kontratash. Që të dy do të dalin para gjyqit këtë muaj. Gjobë prej 60 mijë4 do të paguaj edhe Tomas Morvai për falsifikim të dhënash për kompaninë. Njoftimin zyrtar e gjeni në këtë vegëz./Telegrafi