Site icon Telegrafi

Maguire u shndërrua në lojtarin më të mirë në botë në stërvitjet e Anglisë, tifozët nuk mund t’i besojnë cilësitë e shfaqura

Shkumbin Pireva

Harry Maguire është shndërruar në lojtarin më të mirë në botë për pesë sekonda në stërvitjen e Anglisë dhe tifozët u mahnitën nga ajo që panë.

Pavarësisht se humbi vendin e tij në skuadrën e Manchester Unitedit, Maguire është përfshirë në skuadrën prej 26 lojtarësh të Gareth Southgate dhe pritet të jetë titullar në ndeshjen e parë të Kupës së Botës kundër Iranit të hënën.

Ish-mbrojtësi i Leicester City dhe Hull Cityt ka befasuar tifozët anglezë, por edhe të tjerë pasi ka ‘prodhuar’ disa lëvizje të çmendura në stërvitje.

 

‘Tre Luanët’ kanë qenë duke u stërvitur në nxehtësi prej 33 gradë Celsius, por Maguire nuk po pengohej për të shfaqur disa aftësi në një klip që është bërë viral në rrjetet sociale.

Qendërmbrojtësi rrëmbeu një top nga Bukayo Saka në një lojë të vogël dhe më pas kreu një lëvizje ‘alla-Maradona’ përpara se të shfaqte aftësi të jashtëzakonshme dribluese dhe këmbë të shpejta për të ‘dërguar në dyqan’ Conor Coadyn.

 

Më pas ai arriti të krijojë hapësirë ​​për një goditje dhe detyroi një pritje nga Nick Pope. Ishte një sekuencë që befasoi shumë fansa dhe çoi në reagime të shumta në rrjetet sociale.

Me një kontroll kaq të bukur të topit, nuk është çudi që Erik ten Hag e përdori 29-vjeçarin si një sulmues të improvizuar së bashku me Cristiano Ronaldon kundër Real Sociedad. /Telegrafi/

 

 

 

 

 

Exit mobile version