Mbrëmë janë zhvilluar nëntë ndeshje në ligën më të fortë të basketbollit në botë.
Nënkampioni i NBA-s, Cleveland Cavaliers kanë pësuar humbjen e radhës që nga larimi nga skuadra e LeBron Jamesit.
‘Kalorësit’ kësaj radhe ishin më të dobët për dy pikë se basketbollistët e Orlando Magic, ku këta të fundit triumfuan me rezultat 102-100.
Vetëm në periudhën e tretë arritën të tregojnë cilësitë e tyre lojtarët e Cavs, por që nuk ishte e mjaftueshme të shmangin humbjen e radhës.
George Hill ishte basketbollisti më i mirë te Cavaliers me 22 pikë, gjersa tre më pak i realizoi Tristan Thompson.
Te ‘magjikët’ më i miri në parket Aaron Gordon me 23 pikë, por që për një kërcim nuk arriti të regjistroj ‘double-double’. Lojë të mirë shfaqen edhe Evan Fournier dhe Terrence Ross, ku secili shënoi nga 15 sosh.
Pas kësaj, Cleveland ka bilanc prej nëntë humbjeve dhe një fitore gjersa për Magic kjo ishte fitorja e katërt kundrejt gjashtë humbjeve.
Në takimin e parë Cavaliers do të takohet me Oklahoma City Thunders gjersa Orlando do të ballafaqohet me Detroit Pistons. /Telegrafi/
