Ylli i muzikës pop, Madonna, është censuruar nga Instagrami, pasi ka ndarë një video në lidhje me një teori konspirative për coronavirusin për 15 milionë ndjekësit.
Në postimin e saj, këngëtarja pretendoi se tashmë ishte gjetur një vaksinë për COVID-19, por po fshihej për të “lënë të pasurit të pasurohen më shumë”.
Instagram e bëri të paqartë videon me një titull ku thuhej: “Informacion i rremë”.
Madonna censured by Instagram after sharing video about a coronavirus conspiracy theory to her 15m followers https://t.co/QCYRdWcp5n
— BBC News (UK) (@BBCNews) July 29, 2020
Videoja u fshi më vonë nga faqja në Instagramin e Madonnas, por jo para se fansat të protestonin ndaj këtij vendimi.
Midis tyre ishte ylli i popit, Annie Lennox, e cila komentoi: “Kjo është çmenduri e plotë”.
“Shpresojmë që faqja juaj të jetë hakuar dhe thjesht do ta shpjegoni”, shtoi ajo.
Kjo nuk është hera e parë që Madonna ka bërë pretendime të tilla rreth coronavirusit.
Në mars, ajo postoi një video nga banjo e saj duke përshkruar virusin si ‘barazimin e shkëlqyeshëm’.
Dy muaj më vonë, zbuloi se kishte rezultuar pozitive për antitrupat, gjoja duke dhënë imunitetin e saj nga sëmundja. /Telegrafi/
