Mbretëresha e muzikës pop, Madonna, pavarësisht nga zemërimi publik me dokumentarin e kohëve të fundit, ku rifilluan akuzat për abuzim seksual të fëmijëve kundër Michael Jacksonit, ka thënë se të gjithë janë të pafajshëm derisa të mos dëshmohet fajtori.
Madonna, një ish-rivale dhe pastaj një mike e muzikantit të akuzuar, është shprehur se nuk e ka shikuar dokumentarin mbi akuzat, por gjithashtu ka theksuar nuk donte të besojë në ato akuza.
“Unë nuk kam një mentalitet të masës që kërkon një linçim, dhe në kokën time njerëzit janë të pafajshëm derisa fajësia e tyre të dëshmohet. Ka pasur mijëra akuza kundër meje që nuk ishin të vërteta, kështu që qëndrimi im është kur njerëzit më tregojnë për të tjerët: ‘A mund ta dëshmoni këtë?’”, ka thënë ajo, transmeton KP.
E pyetur për atë që disa interpretuan si dëshmi e fajësisë së Jackson në film, këngëtarja u përgjigj se nuk e di, pasi nuk e ka parë atë.
“Mendoj se bëhet fjalë për njerëzit që flasin ngjarje të vërteta? Por, natyrisht, ndonjëherë njerëzit gënjejnë”, ka shtuar Madonna.