Interneti u ndez pas publikimit të një videoje në të cilën një i ri, i maskuar si lypës, hyn në një dyqan Apple dhe kërkon të blejë një iPhone 15. Ai solli me vete një thes me monedha dhe reagimi i pronarit kënaqi miliona njerëz.
Ky eksperiment social u organizua nga ekipi i kanalit YouTube, “Experiment King” në qytetin indian të Jodhpur.
Lypësi i rremë ka vizituar disa lokale, por në shumicën e tyre nuk ka arritur të hyjë. Të tjerë i thanë se nuk pranonin monedha metalike.
Më pas ai hasi në një pronar dyqani, i cili e nderoi dëshirën e tij, raporton Times Now News.
Pasi ka zbrazur xhepin dhe ka numëruar paratë, “lypësi” ka marrë një telefon të shtrenjtë.
Videoja u bë virale me shpejtësi rrufeje! Deri më tani është parë nga 34 milionë njerëz, me 3.4 milionë pëlqime.
Shumë përdorues nuk e besuan historinë, duke e konsideruar të inskenuar, më së shumti për faktin se “lypësi” ndiqej nga kamera.
Pavarësisht, pronari i dyqanit ka marrë mesazhe të shumta mbështetjeje. /Telegrafi/