Shumë informata rreth këtij smartphonei janë të ditur prej më herët. Ekrani ClearBlack AMOLED ka diagonalen prej 4.3 inç, pajisja punon me procesorin prej 1.4-gigaherc, janë përfshirë 512 MB RAM, 16 GB të memories flash, dhe kamera me rezolucion prej tetë megapiksel. Gjithashtu, është shtuar kamera e përparme për videothirrje, dhe bateria me kapacitetin më të lartë prej 1,830 mAh. Dimensionet janë 127.8 x 68.5 x 11.5 mm, ndërsa pajisja peshon 160 gram.
Lumia 900 në tregun amerikan arrin “gjatë muajve të ardhshëm”, e do të jetë në dispozicion kryesisht në ofertën e operatorit AT&T. Të dhënat për çmimet, por edhe dispozicionin eventual në tregun evropian, nuk janë publikuar. /Telegrafi/
