Ura në Peru ku ndodheshin disa persona, është shembur si pasojë e shkëmbit të rrëzuar, që i ra sipër, por për fat të mirë nuk la ndonjë të lënduar.
Fatkeqësia natyrore ndodhi në Ayacucho, si pasojë e lumit të rrëmbyeshëm që doli nga shtrati, shkaku i fryrjes së tepërt nga shirat e pandërprerë që zgjatën rreth 12 orë, transmeton Telegrafi.
Në filmimin rrëqethës, shihet se si pjesët e rrugës gërryhen nga uji, derisa një sipërfaqe e shkëmbit thyhet dhe bie mbi urën, që thuhet se është ndërtuar para tri vitesh.
Si pasojë e shirave, rrugët e qytetit janë vërshuar, duke iu shkaktuar probleme shoferëve dhe kalimtarëve të shumtë.
Njësitet e ushtrisë janë mobilizuar, që t’ju dalin në ndihmë banorëve, shtëpitë e të cilëve janë mbushur me ujë dhe i kanë ngujuar brenda.
Raportohet se ka dëme të mëdha në të mbjellat bujqësore, ku llogaritet se janë dëmtuar rreth 50 për qind e patateve dhe grurit që e kanë mbjellë bujqit. /Telegrafi/
