Në “Debat Plus” me Ermal Pandurin në RTV Dukagjini po debatohet për koalicionet parazgjedhore të zgjedhjeve të jashtëzakonshme parlamentare.
Analisti Ernest Luma ka thënë se ka besuar se Haradinaj ka bërë veprim të mirë që ka lidhur koalicion me PSD-në, por sipas tij nuk ka qenë veprim i mirë i kësaj të fundit.
“Nuk mendoj se është në interes të PSD-së ky koalicion për shkak të profilizimit politik. PSD është parti e spektrit të majtë ndërsa AAK e spektrit të djathtë”, tha ai, përcjell Telegrafi.
Luma thotë se interesi i AAK-së ka qenë që të ketë sa më shumë parti në koalicionin e saj por sipas tij ky koalicion është një risk për PSD-në.
“Njerëzit e PSD-së edhe ashtu kanë qenë të hendikepuar të futen në zgjedhje edhe pa këtë koalicion me AAK-në”.
Luma thotë se edhe qëndrimet që kanë mbajtur njerëzit eminentë në PSD ndaj AAK-së janë problematike.
“Nuk mendoj se Dardan Molliqaj do t’i merr 50 mijë vota në këtë koalicion”, tha mes tjerash Ernest Luma. /Telegrafi/
