Pas sulmit të parë të forcave serbe në Kullën e Jasharëve në Prekaz, ish-veprimtarja politike, Luljeta Pula Beqiri shkoi për vizitë në familjen e Shaban Jasharit, ku me kërkesën e tij ajo mbajti një fjalim të gjatë, mbi 40 minuta.
Pul-Beqiri foli rreth këtij fjalimi ku tregoi se teksa po thoshte fjalët e artikuluara para njerëzve të pranishëm, ndër tjera, kishte bërë thirrje për luftë.
“Në atë fjalim i cili zgjati më shumë se 40 minuta dhe para një auditori që kishte diku rreth 90 veta, unë thirra për luftë, duke i zgjedh fjalët me kujdes dhe me mesazh krejtësisht të qartë. Ky fjalim jashtëzakonisht i emocionoi njerëzit e pranishëm aty”, tha ajo, në emisionin “FAKTE me Adnan MEROVCIN” në Klan Kosova.
Ndër tjera, Pula Beqiri shtoi se pas këtij fjalimi, ajo pati një diskutim të shkurtër edhe me Hamëz Jasharin.
Rrëfim e Luljeta Pula-Beqirit mund ta ndiqni në videon më poshtë:
