Taksa e solidaritetit, pra ajo zgjidhje ligjore u krye përmes një procesi transparent dhe gjithëpërfshirës, biseduam me të gjithë palët e interesuara, biseduam me odat, me komunitetin intelektual, ekzistonte një grup pune nga të gjitha institucionet që ishin pjesë e zgjidhjes ligjore dhe gjithçka që do të mblidhej nga tatimi i solidaritetit do të hyjë në një pakon e masave kundër krizës për t’u ndihmuar atyre që kanë nevojë më së shumti, tha drejtoresha e Drejtorisë për të Ardhur Publike, Sanja Lukarevska.
Lukarevska theksoi se kjo nuk është diçka e re në rregulloren evropiane, por është zgjidhje ligjore dhe parim i veprimit në Britaninë e Madhe, Kroaci, Itali.
“Fjala është për kompanitë që kanë dorëzuar të dhënat e duhura në bilancin e tyre tatimor dhe kanë realizuar të ardhura mbi 10 milionë euro në vitin 2022. Ky është një kriter dhe kriteri tjetër është që ato të ardhura të jenë 20 për qind më të larta se të ardhurat e realizuara në katër vitet e fundit”, tha Lukarevska.
Ajo përkujtoi se fillimisht afati i pagesës ishte 25 tetori dhe se deri më tani këtë taksë e kanë paguar 99 tatimpagues, disa kompani kanë bërë pagesë të pjesshme.
Qëllimi nuk ishte të shpallnim se do të bllokojmë llogaritë, por të ketë afate të duhura ligjore, të gjitha për të mos humbur atë dinamikë të përshtatshme./Telegrafi/