Jordan Lukaku ka arritur në Romë për të përfunduar lëvizjen e tij në Lazio dhe pas kësaj ndihet i lumtur.
Mbrojtësi belg ka zbuluar se para se të pranoj ofertën e Lazios ka konsultuar me bashkëkombësit e tij, Dries Mertens dhe Radja Nainggolan.
Vëllai i sulmuesit të Evertonit, Romelu, do të bashkohet me Biancocelestët për një shifër të raportuar prej 5 milionë plus bonuse.
“Jam shumë i lumtur që jam në Romë, fola me Mertens dhe Nainggolan. Lazio ka kontaktuar me mua javën e kaluar”, tha Lukaku në aeroportin Fiumicino.
Testet mjekësore priten të bëhen të premten dhe ku do të firmos një kontratë tre-vjeçare me opsion edhe për një vit. /Telegrafi/