Telegrafi

Luka Doncic bëri atë që askush nuk e ka bërë në Kampionatet Evropiane të basketbollit që nga viti 1991

Lavdim Pireva

Luka Doncic shkroi sot historinë e basketbollit evropian duke arritur një sukses që nuk është parë prej 30 vitesh.

Slloveni shënoi 35 pikë në fitoren e Sllovenisë ndaj Belgjikës (88:72) në ndeshjen e fazës së 16-të të Eurobasketit, që është ndeshja e tij e tretë radhazi në të cilën ka shënuar më shumë se 30 pikë.

Askush nuk ka arritur ta bëjë këtë që nga Eurobasket 1991 në Romë, kur basketbollisti grek Nikos Galis pati të njëjtin efekt.

Doncic pati probleme të vogla në fillim të Eurobasketit dhe seria e tij e madhe filloi pas disfatës ndaj Bosnjës dhe Hercegovinës.

Ndryshimi erdhi tashmë në ndeshjen kundër Gjermanisë kur shënoi 36 pikë, pas së cilës shënoi 47 kundër Francës.

Sot ai shënoi 35 kundër Belgjikës dhe do të ketë një mundësi të re në çerekfinale, në të cilën Sllovenia do të luajë kundër skuadrës më të mirë të duelit Poloni-Ukrainë.

Ai mund ta rrit rekordin në çerekfinale. /Telegrafi/