Pavarësisht se është 38-vjeçar, Franck Ribery ende nuk ka dalë në pension nga futbolli dhe ai ka nënshkruar një marrëveshje të re me të sapo-promovuarit në Serie A, Salernitana.
Francezi ishte me Fiorentinën, por u largua nga klubi gjatë verës, me La Viola që nuk vendosi të zgjaste marrëveshjen e tij me klubin, pasi trajneri i ri Vincenzo Italiano nuk e kishte Riberyn në planet e tij për këtë sezon.
Fotografitë që u bënë virale tregojnë francezin duke pozuar me shallin e skuadrës së bashku me anëtarë të ndryshëm të bordit në qytetin e Salerno, me Ribery duke nënshkruar një kontratë njëvjeçare me ekipin italian.
Edhe pse nuk është konfirmuar zyrtarisht, bëhet e ditur se David Luiz do të bashkojë forcat me Riberyn në Salernitana në një transferim si lojtar i lirë pasi u larguar nga Arsenali në verë.
Qendërmbrojtësi brazilian ka marrë mjaft oferta interesante, por dëshira e tij ka qenë të vazhdojë të konkurrojë në futbollin e nivelit të lartë. /Telegrafi/