Cara Delevingne ka folur publikisht për luftën kundër depresionit, për arsye të të cilit u tërhoq nga jeta publike për disa muaj.
Manekinia e famshme ka treguar në rrjetet sociale për fshehtësinë e saj të errët. 23-vjeçarja tashmë i është kthyer punës duke bërë një fushatë për brendin Yves Saint Laurent, edhe pse më herët ishte spekuluar se e ka braktisur përgjithmonë industrinë e modës.
“A mund t’i sqarojmë gjërat? Asnjëherë nuk kam thënë se po e braktis modelimin. Për asgjë nuk e fajësoj industrinë e modës”.
“Po vuaj nga depresioni, ndërsa jam marrë me manikenizëm gjatë një periudhe të vështirë, në të cilën e kam urryer veten”.
“Jam e lumtur me punën që bëj, por më herët kam punuar vetëm në përpjekje për të ikur dhe në fund u rraskapita e tëra. Tash jam e fokusuar në aktrim dhe përpiqem të mësoj që të mos bëhem e fiksuar pas mangësive të mia”, ka shkruar Cara. /Telegrafi/