Një ngjarje e tmerrshme ka ndodhur gjatë një programi televiziv në Meksikë, kur një luan sulmon një fëmijë gjatë transmetimit të drejtpërdrejt.
Sipas mediave meksikane, kjo ngjarje e tmerrshme ka ndodhur gjatë një emisioni për gra i quajtur “Con Sello de Mujer”, transmeton Telegrafi.
Një video e postuar në internet, shfaq momentin kur vogëlushja po qëndronte ulur pranë nënës së vet, derisa një luan shoqërohej nga dy trajnerët.
Por kur vogëlushja fillon të qajë, duket se zëri i saj e shqetëson luanin i cili reagon në mënyrë të çuditshme duke sulmuar fëmijën.
Fatmirësisht vajza e vogël ka shpëtuar pa ndonjë lëndim, derisa në video shihet se ajo është traumatizuar nga sulmi i papritur i luanit. /Telegrafi/
