Thuhet se luani konsiderohet si njëra ndër kafshët më të forta dhe jo më kot ka fituar epitetin e mbretit të xhunglës.
Por, një video e postuar së fundmi në rrjetet sociale, shfaq dy luanë të cilët janë munduar të kafshojnë një buall, por pendohen keq kur atij i dalin në ndihmë “shokët” e tij, transmeton Telegrafi.
Luanët sigurisht se do ta mbytnin pa ndonjë problem buallin e lënduar po të mos ishte tufa e buajve tjerë, të cilët në një moment bashkuan forcat dhe iu vërsulën luanëve.
Edhe pse ata në fillim dukeshin se nuk i frikësohen tufës së buajve pasi vazhdimisht tentonin ta rrëzonin në tokë, gjithçka ndryshon kur ata filluan t’i godasin me brinjët e tyre gjigant.
Pas disa tentimeve që të kapin “ushqimin e tyre për drekë”, ata tërhiqen duke parë se në asnjë mënyrë nuk mund të fitojnë.
Pamjet janë filmuar në parkun Timbavati në Afrikën e Jugut, ndërsa autori i videos Oliver Lane thotë se ka mbetur i habitur se si i dolën buallit në ndihmë miqtë e tij. /Telegrafi/
