Këngëtarja dhe prezantuesja e njohur Luana Vjollca ka qenë e ftuar së fundmi në emisionin e njohur “Top Show Magazine”, ku i është përgjigjur shumë pyetjeve interesante përball gazetarit Alban Dudushi.
Një nga pyetjet më provokuese të intervistës, ishte ajo e opinionistit Ervin Kurti, i cili tha: “Luana nuk mendoj që vetëm emisioni ‘Pa Limit” ka ndikuar në aparencën tënde! Ka edhe diçka më shumë. Ndonjë dashuri, ndonjë njeri?”
Por dëshira e prezantueses për të mos u prononcuar rreth kësaj çështje, bëri që ajo të ndërmarrë një veprim mjaft interesant.
Luana kishte marrë me vete një ngjitës të fshehur tek karriga e saj, e që më pas në momentin kur opinionisti i ka bërë këtë pyetje, ajo është ngritur dhe i ka mbyllur gojën me ngjitës, duke mos dashur që ai të vazhdojë më.
Ky gjest është përcjellur me shumë të qeshura, sidomos nga aktorët e programit “Pa Limit”, të cilët kur e panë vrapuan drejt saj për ta përqafuar për idenë interesante! /Telegrafi/