Partia maqedonase në pushtet LSDM, përmes një kumtese për media thekson se janë hapur dyert e NATO-s dhe BE-së, ndërsa në referendum duhet të zgjedhet mes së ardhmes ose izolimit.
Ata shtojnë se me zgjidhjen e kontestit të emrit, janë hapur dyert për hyrje të Maqedonisë në organizatat evropiane, është ruajtur dhe forcuar identiteti maqedonas, përcjell Telegrafi Maqedoni.
“Kemi mundësi historike që të sigurojmë të ardhmen. Ëndrra e shumë gjeneratave, na ka ardhur që ta plotësojmë ne, në interes të të gjithë qytetarëve të Maqedonisë”, thonë nga LSDM.
Ata kërkojnë nga partia opozitare që të dalin dhe hapur të tregojnë nëse janë për të ardhme ose për izolim./Telegrafi/