Partia maqedonase në pushtet LSDM, përmes një kumtese për media ka reaguar ndaj akuzave të OBRM-PDUKM-së në lidhje me gjendjen e bujqësisë në vend.
Nga LSDM thonë se kur OBRM-PDUKM-ja ka qenë në pushtet e ka shkatërruar bujqësinë deri në themel dhe se bujqit për 11 vite kanë qenë nën presion, përcjell Telegrafi Maqedoni.
“Gjithë 11 vjet, bujqit kanë qenë nën presion, kërcënime, shantazhe për shkak të zbatimit të interesave personale afariste të udhëheqësisë së OBRM-PDUKM-së. Sot ata mund vetëm të shikojnë dhe mësojnë çfarë do të thotë kujdesje e vërtetë për bujqit dhe bujqësinë. Të dhënat zyrtare tregojnë për suksesin e politikave bujqësore të LSDM-së”, thonë nga partia në pushtet.
Ata shtojnë se qeveria e LSDM-së do të mbetet e përkushtuar për bujqit dhe bujqësinë në vend./Telegrafi/