Nëpërmjet një njoftimi të LSDM-së thuhet se “OBRM-PDUKM dhe Hristijan Mickoski edhe një herë u ndodhën në anën e kundërt të historisë. Ata zgjodhën të sillen në mënyrë të papërgjegjshme në periudhën kur shteti po kalon në momente të vështira me krizën shëndetësore”.
“Gjatë kohës së pandemisë në vend që të tregojnë solidaritet dhe humanitet, ata krijojnë lajme të rreme me qëllim që sukseset e institucioneve t’i paraqesin si dështim. Qytetarët që moti i kanë diktuar gënjeshtrat dhe manipulimet e OBRM-PDUKM-së dhe për këtë shkak, Mickoski, i vetëdijshëm për atë se çfarë e pret, nuk dëshiron as Kuvend funksional e as zgjedhje”, shprehen nga LSDM, njofton Telegrafi Maqedoni.
Ata thonë se dëshmi për sjellje destruktive dhe të papërgjegjshme të OBRM-PDUKM-së është lajmi i rremë se mbi 100 mijë punëtorë kanë mbetur pa punë për shkak të krizës me coronavirusin.
“Është vërtetuar se s’ka më shumë se 7.000 qytetarë që kanë mbetur pa punë dhe kjo është vërtetuar edhe përmes të dhënave zyrtare”, thonë nga LSDM./Telegrafi/