Partia maqedonase në pushtet, LSDM nëpërmjet një kumtese për media e akuzon kryetarin e OBRM-PDUKM-së Hristijan Mickoski, se punon kundër shëndetit të qytetarëve.
Nga LSDM thonë se Mickoski vazhdon me fushatë politiko-partiake me temën e pandemisë, duke bërë pengesa të vazhdueshme.
“Mickoski mbahet për karrigen e tij në pallatin e bardhë edhe se tre herë ka humb në zgjedhje, ndërsa tani duke u arsyetuar me kujdesin për shëndetin e qytetarëve, ikën edhe nga një debakël. Mickoski nuk kujdeset për shëndetin e qytetarëve, përkundrazi ai është i rrezikshëm për shëndetin publik”, thonë nga LSDM.
Ata më tej theksojnë se Qeveria e udhëhequr nga ata merr masa për parandalimin e coronavirusit, si dhe investon në shëndetësinë publike./Telegrafi/