Nëpërmjet një njoftimi të partisë maqedonase në pushtet thuhet se “nervozi e Mickoskit dhe OBRM-PDUKM-së është e madhe për shkak se s’mund ta mbrojnë krimin e regjimit”.
Nga LSDM thonë se Mickoski frikësohet nga drejtësia, duke marrë parasysh se i dyshuari Dimitar Dimovski është pjesë e firmës së përbashkët bashkë me Mickoskin, që fiton vend shtetëror për biznese me hidro-centrale nga Qeveria e Gruevskit, njofton Telegrafi Maqedoni.
Nga LSDM shtojnë se të gjithë ata që kanë shkelur ligjin duhet të përgjigjen para institucioneve gjyqësore.
“Koha kur gjyqësia dhe prokuroria ishin organe partiake përfundoi me kalimin e OBRM-PDUKM-së në opozitë. Ligjet vlejnë për të gjithë njëlloj, secili që ka shkelë ligjin duhet të përgjigjet”, thuhet në fund të kumtesës së LSDM-së./Telegrafi/