Partia maqedonase në pushtet LSDM, përmes një kumtese për media thotë se asnjë subjekt politik nuk ka të drejtë ta mbajë vendin peng, që sipas tyre, e bën OBRM-PDUKM-ja me Ligjin për Prokurorinë Publike.
Sipas LSDM-së, të gjitha kapacitetet demokratike në vend dhe aleatët strategjik ndërkombëtar e mbështesin vendimin ligjor për Prokurorinë Publike, përcjell Telegrafi Maqedoni.
“Ligji për Prokurorinë Publike është shansi i fundit i OBRM-PDUKM-së të tregojë nëse me të vërtetë është për BE-në dhe për qeverisjen joselektive të drejtësisë. Ai shans i fundit është nesër, kur fillon debati kuvendor publik për Ligjin kur OBRM-PDUKM ka mundësi të tregojë se me të vërtetë kujdeset për qeverisjen e së drejtës, për prokurorë profesional, efikas dhe të pavarur dhe për procesim të të gjitha veprave penale të lidhura me korrupsionin e lartë”, thonë nga LSDM./Telegrafi/