Nëpërmjet një njoftimi të LSDM-së thuhet se “vetëm pas dy muajve, në zgjedhje fer, të lira dhe demokratike, Mickoski dhe OBRM-PDUKM-ja e pareformuar morën mesazhin nga qytetarët të cilët i mposhtën politikat e tyre destruktive”.
“Sot, Mickoski po bën sulme në parti tjera politike vetëm për ta fshehur faktin që nuk e përmbushi premtimin se do të jep dorëheqje nëse nuk fiton në zgjedhje apo nuk arrin të formojë Qeveri”, thonë nga LSDM, njofton Telegrafi Maqedoni.
Në vend të dorëheqjes dhe reformave, thonë nga kjo parti, Micskoski organizon protesta në të cilat shoqëruesit e tij me automjete të shtrenjta aktrojnë kinse janë të shqetësuar për çmimin e rrymës.
“Paralajmërimi për formim të bllokut të ashtuquajtur opozitar është edhe një nga blefat e Mickoskit, i cili qysh moti nuk e ka mbështetjen e popullit, për shkak të sjelljes së tij të papërgjegjshme dhe destruktive”, thonë nga LSDM./Telegrafi/