Lëvizja për Reforma – PDSH konsideron se qytetarët e Maqedonisë humbasin miliona euro ndihmë financiare nga BE-ja, për shkak të, siç thonë, „pushtetit kleptoman OBRM-PDUKM dhe BDI“, njofton Telegrafi Maqedoni.
Në reagimin e departamentit për euro-integrime të kësaj lëvizje, mes tjerash thuhet: „Vendimi i BE-së për mbështetje financiare të shteteve të Ballkanit perendimor prej 150 milion euro, përfshirë Shqipërinë, Malin e Zi, Kosovën dhe Sërbinë, por duke e përjashtuar Maqedoninë nga kjo ndihmë financiare për zhvillimin infrastrukturor, energjetikës, ekologjisë, është një porosi e qartë për pushtetin OBRM-PDUKM – BDI.
Keqpërdorimet financiare dhe aferat korruptive tashmë drejpërdrejt izolojnë vendin nga ndihma ndërkombëtare. LR-PDSH vlerëson së BE-ja me këtë qëndrim përjashtues ndaj Maqedonisë jep sinjal serioz. Ky sinjal tregon domosdoshmërinë për ndryshime radikale në qeverisjen e vendit.
LR-PDSH konstaton se qeveria OBRM-PDUKM – BDI e ka humbur përfundimisht besueshmërinë nga BE-ja dhe faktori ndërkombëtar se ky pushtet është i interesuar për integrimet euro-atlantike, për zbatimin e rekomandimeve apo rritjen e standardit të qytetarëve Të RM-së.“/Telegrafi/