Lëvizja për Reforma PDSH më 10 qershor do të realizojë takim me intelektualë të cilët jetojnë dhe veprojnë në Prishtinë, por që me origjinë janë nga Maqedonia, transmeton Telegrafi Maqedoni.
“Duke marrë parasysh gjendjen kaotike shumëdimensionale dhe nevojën e domosdoshme të ndryshimit te sistemit politik dhe juridik si dhe të politik bërjes së shqiptarëve në Maqedoni, Lëvizja për Reforma në bashkëpunim me intelektualë të shquar dhe të pavarur nga Maqedonia që jetojnë dhe veprojnë në Kosovë në datë 10. 06. 2016 në ora 12 h, në hotel “Prishtina” në Prishtine do të organizojë një takim të hapur ku do të bashkëbisedohet rreth situatës aktuale politike të shqiptarëve në Maqedoni dhe Platformës së LR-PDSH. Përmes kësaj komunikate duam të njoftojmë dhe njëherit të ftojmë të gjithë bashkëvendasit tonë që jetojnë dhe veprojnë në Kosovë të bëhen pjesë e këtij takimi për të shprehur mendimet dhe sugjerimet e tyre!”, thuhet në njoftimin e kësaj partie./Telegrafi/