Përzgjedhësi i Gjermanisë, Joachim Low ka deklaruar pas ndeshjes se Franca do ta fitojë Kampionatin Evropian 2016.
Sipas trajnerit të Gjermanisë, i cili humbi 2:0 nga Franca në gjysmëfinale, nikoqiri i Evropianit do ta fitojë edhe finalen ndaj Portugalisë më 10 korrik.
“Franca me sukses u fut në finale, pasi nëse fitoni 2:0 ju e meritoni atë”, deklaroi Low.
“Mendoj se Franca do të fitojë ndaj Portugalisë. Portugalia nuk më ka bindur aq shumë. Franca ka ekip shumë të mirë, por ne ishim më të mirë sot”, ka përfunduar trajneri i Gjermanisë.
Finalja e madhe në mes të kombëtares franceze dhe asaj portugeze do të zhvillohet të dielën nga ora 21:00. /Telegrafi/