Trajneri i Gjermanisë, Joachim Low ka mbetur pjesërisht i kënaqur me lojën e lojtarëve të tij, edhe përkundër humbjes nga Franca në kuadër të Grupit F në Euro 2020.
Gjermania është mposhtur me rezultat minimal 1-0 ndeshjen e parë të tyre në Grup, dhe kjo erdhi falë një autogoli nga Mats Hummels (20’).
Megjithatë, edhe përkundër humbjes, trajneri i Gjermanisë, Low ka mbetur pjesërisht i kënaqur me paraqitjen dhe angazhimin e lojtarëve.
“Ishte një lojë brutale dhe intensive. Unë nuk mund ta fajësoj përpjekjen e lojtarëve. Ata dhanë gjithçka”, ka thënë fillimisht Low pas ndeshjes.
“Thjesht po na mungonte depërtimi në pjesën e tretë të fushës dhe nuk i shfrytëzuam sa duhet mundësitë tona”.
“Ka pasur parashikime të ndeshjes kur kemi mundur të rrisim presionin ndaj tyre, por nuk krijuam asnjë shans të pastër”.
“Performanca sot ishte në rregull, por ne gjithashtu pamë se ku duhet të përmirësohemi nëse duam të mposhtim ekipe të tilla, ose t’i vëmë ato në telashe”.
“Ne ende duhet të bëjmë disa rregullime”, përfundoi trajneri i Gjermanisë. /Telegrafi/
Luani dhe fitoni shpërblime këtu >
Më shumë lajme nga kampionati Euro 2020 >
—