Joachim Low është i lumtur nga fakti që Mats Hummels do ta vijojë karrierën në Bundesligë.
Transferimi i 27-vjeçarit te Bayerni i Minihut, në një kohë kur kishte oferta edhe nga Liga Premier, veçanërisht nga United apo Chelsea, për trajnerin e kombëtares gjermane është diçka pozitive.
“Nëse lojtarët e kombëtares vendosin të luajnë në Bundesligë, kjo do të thotë se kampionati gjerman i futbollit, në mos më shumë, të paktën është po aq cilësor sa Liga Premier”.
Një deklaratë e kuptueshme e trajnerit të cilit i intereson një Bundesligë e fortë, pasi pjesa më e madhe e lojtarëve të kombëtares gjermane, luajnë në vendin e tyre.
“Unë jam në kontakte të vazhdueshme me lojtarët e mi dhe sigurisht që ne flasim për shumë gjëra, por fatmirësisht transferimi i futbollistëve nuk është detyrë e trajnerit të kombëtares. Hummels nuk ka pa patur nevojë për këshilla për atë që e pret në të ardhmen apo për skuadrën ku do të ketë mundësi të arrijë më shumë suksese”, ka thënë Low.