Një ndër aktorët më të dashur për publikun shqiptar, Agron Llakaj është “rikthyer” në Top Channel.
Këtë herë ai u rikthye si një i ftuar special në emisionin e Arbana Osmanit ‘Dua të të bëj të lumtur’.
Agroni do të surprizonte mbesën e tij Nailen, por në fakt emocionet më të forta duket se i ka përjetuar vetë Agroni, me një surprizë tjetër enkas për të.
Befasia për të ishte mbesa e tij, Adea, e cila kishte disa kërkesa për gjyshin e saj.
Para disa muajve Agron Llakaj është bërë sërish gjysh dhe për këtë arsye Adea kishte filluar të bëhej xheloze.
Agroni i përlotur iu drejtua mbesës, duke i thënë “Gjyshi e do shumë Teon, vëllanë tënd dhe fëmijët e tjerë që do vijnë pas tij, por ti je motivi i jetës sime. Mëso ta ndash botën me të tjerë sepse kështu do të jetë akoma edhe më e bukur!”.
Agron Llakaj mbetet prej aktorëve më të dashur për publikun, kryesisht për shkak të paraqitjeve në Top Channel. /tch/