Reperja Loredana Zefi është njëra ndër rep-artistet më të pëlqyera në trevat shqiptare dhe jo vetëm.
Ajo ka një karrierë shumë të suksesshme në Gjermani dhe Zvicër, teksa të ardhurat e mira nga muzika, ia kanë mundësuar reperes që të bëjë një jetë mjaft të mirë dhe luksoze.
Këtë e dëshmon edhe fakti se ajo nuk kursehet fare për paraqitjet e saj, të cilat në të shumtën e rasteve kalojnë shifrën e mijëra eurove.
E tillë është paraqitja e saj në një nga fotografitë e fundit në rrjetet sociale, ku reperja Zefi ka pozuar me një orë dore të markës “Rolex”, e cila kushton hiç më pak se 11 653 euro.
Ka qenë faqja “Mespërmes”, ajo e cila ka publikuar një fotografi të rep-artistes, bashkë me orën e kushtueshme që ajo bart me vete.
Loredana është komentuar shpesh për jetën luksoze që bën, teksa vitin e kaluar ishte në qendër të vëmendjes së mediave për shkak të skandalit me një çifti zviceran, të cilët e akuzonin për zhvatje të parave dhe kanosje. /Telegrafi/