Rap-artistja e njohur shqiptare, Loredana Zefi, sapo ka prezantuar projektin e ri muzikor në bashkëpunim me reperin Zuna.
“Du bist mein” mban titullin kënga e dyshes e cila në shqip do të thotë “Ti je e imja”.
Projektin e parë të përbashkët artistët e kanë sjellë gjatë kësaj pandemie globale, pasi edhe të shumtën e kohës janë parë në shoqërinë e njëri-tjetrit.
Projektin tashmë e gjeni të publikuar edhe në YouTube, i cili edhe këtë herë është punuar nga producentët e njohur Miksu dhe Macloud.
Reperja nga Ferizaj vjen në skena mjaft atraktive me reperin gjerman, teksa ka rrëmbyer vëmendje me dukjen e saj natyrale.
Në klip janë të përfshira edhe disa video nga rrjeti tashmë i popullarizuar “TikTok”.
Loredana dhe Zuna kohëve të fundit kanë qenë shumë të komentuar në faqet rozë, pasi u aludua për një lidhje të mundshme dashurie, të cilën reperi e hodhi poshtë javë më parë përmes një postimi të ndarë në Instagram. /Telegrafi/